Ramush Bardiqi

Ramush Bradiqi është gjyqtar në Dhomat e Shkallës së Dytë të Gjykatës Komerciale. Gjyqtari Bardiqi ka diplomuar në Fakultetin Juridik - Universiteti i Prishtinës në vitin 2002. Provimin e jurisprudencës e përfundoi në vitin 2010, ndërsa studimet Master-Drejtimi Ndërkombëtarë (MA) i ka përfunduar në Fakultetin Juridik Universitetin e Prishtinës në vitin 2013, gjithashtu studimet postdiplomike-Master i ka përfunduar në vitin 2018 në Universitetin Wake Forest University-Karolinen e Veriut, ShBA. Praktikën profesionale një vjeçare e mbajti në zyrën e avokatit në vitin 2002 - 2003. Nga viti 2003 deri në vitin 2009 ka punuar si zyrtar doganor në Shërbimin Doganor të Kosovës, ndërsa në periudhën prej vitit 2009-2013 ka qenë zyrtar ligjor në Agjencinë Kosovare të Privatizimit -AKP, anëtar i rregullt i komisionit për zgjidhjen e kontesteve dhe ankesave të shërbyesve civil në AKP, gjithashtu ka punuar edhe si zyrtar i lartë ligjor në AKP në periudhën prej vitit 2013 – 2015. Ramush Bardiqi më 19.05.2015 është emëruar gjyqtar në Departamentin për Çështje Administrative në Gjykatën Themelore në Prishtinë, ndërsa nga 1 janar 2023 është emëruar gjyqtar në Dhomat e Shkallës së Dytë të Gjykatës Komerciale të Kosovës.