Hasan Kryeziu

Hasan Kryeziu është nënkryetar i Gjykatës Komerciale dhe gjyqtar në Dhomat e Shkallës së Parë - Departamenti për Çështje Ekonomike në Gjykatën Komerciale. Gjyqtari Kryeziu ka diplomuar në Fakultetin Juridik - Universiteti i Prishtinës në vitin 2014. Praktikën profesionale e kreu në Gjykatën Themelore në Prishtinë deri në vitin 2015, ndërsa provimin e jurisprudencës e ka përfunduar në vitin 2016. Nga viti 2016 deri në vitin 2018, ka punuar Zyrtar Ligjor në Gjykatën Themelore në Prishtinë përmes programit të USAID-it - Checchi Consulting and Co. Nga gushti i vitit 2018 ka ushtruar pozitën e bashkëpunëtorit profesional në një avokaturë në Prishtinë, për të kaluar më pas si jurist për përfaqësime në KEDS sh.a. Hasan Kryeziu më 18.01.2021 është emëruar gjyqtar në Gjykatën Themelore në Gjakovë – Dega në Malishevë, ndërsa më 23.06.2022 është emëruar gjyqtar në Gjykatën Komerciale të Kosovës. Gjyqtari Kryeziu, me propozim të kryetarit të Gjykatës Komerciale, më 29 gusht 2024, është caktuar nënkryetar i Gjykatës.