Në këtë punëtori morën pjesë përfaqësues të Këshillit Gjyqësor të Kosovës, gjyqtarë të Gjykatës Supreme, gjyqtarë të Gjykatës së Apelit si dhe kryetari dhe gjyqtarë nga Gjykata Komerciale.

Gjatë takimit diskutimi u përqendrua në unifikimin e praktikës gjyqësore të rasteve komerciale, dhe shkëmbimi i përvojave nga Gjykata Supreme dhe ajo e Apelit, ku gjyqtarët dhanë këndvështrimet e tyre për qasjet që do të ndihmonin në unifikim.

Tutje gjatë takimit u prezantua Draft – Udhëzuesi i praktikës gjyqësore të Gjykatës Komerciale dhe procesi i përgatitjes si dhe përmbajtja e Buletinit të parë të Gjykatës Komerciale, që është në përfundim e sipër. Kjo përpjekje bashkëpunimi është një hap i rëndësishëm drejt një sistemi gjyqësor komercial më të suksesshëm dhe efektiv në Kosovë.